Sindi, vajza shqiptare triumfon në Greqi te “Next Top Model”

Sindorela Toli

“Jam nga Shqipëria. Dhe pastaj, çfarë? Nuk mendoj se kjo është një gjë e keqe. Këtë mendim kanë të gjithë miqtë e mi, nxënësit ku bashkë mësojmë dhe fqinjët e mi në Kipseli ku banoj prej dy vitesh. Ju siguroj se nuk kam asnjë problem nga racizmi. Kurrë në jetën time nuk jam përballur me racizëm”

Athinë, 22 Shkurt 2011 NOA – Vajza shqiptare Sindorela Toli, është fituese e konkursit të madh të modës që organizohet në Greqi, Next Top Model 2. Ky është evenimenti më i rëndësishëm i botës së modës në Greqi.

17-vjeçarja shqiptare ka arritur të triumfojë mes dhjetar vajzash greke dhe në orën 02.00 të mëngjesit të sotëm pas një maratone që u transmetua drejtpërdrejt në televizionin kombëtar Antenna, fitoi çmimin e madh.

Finaliste të konkursit Next Top Model ishin veç Sindorelës edhe vajzat greke, Joana, Elena dhe Evangjelia.

Joana dhe Elena u skualifikuan në pjesën e parë të natës finale. Kurse për disa orë rresht, lufta ishte mes Sindorelës dhe Evangjelisë.

Përzgjedhja e Sindorelës si fituese e Next Top Model 2 u bë nga juria helene në bashkëpunim me menaxherin e përgjithshëm të konkursit me patentë botërore, mbërritur nga Milano.

Pas shpalljes fituese, Sindi ka zbuluar edhe planet për të ardhmen: “Qëllimi im i parë tani, është të përfundoj gjimnazin. Për më tepër që kohët e fundit kam qenë shumë e zënë. Krahas studimeve që do të vazhdoj, nuk do të largohem nga bota e modës. Ajo që do të bëj, është të vazhdoj të jem modele”.

Kurse ka treguar dhe diçka nga fëmijëria e saj: “kur isha e vogël, isha e zhytur në botën time. Ëndërroja dhe përjetoja si të isha një kukull Barbie”.

Kurse pak ditë para se të shpallej sot fituese, Sindi kishte dhënë një intervistë për revistën e famshme “People” e cila i kushtoi vend të veçantë.

Reagimet

Sindorela:

“Jam shumë e lumtur. Nuk arrij dot ta besoj. Premtoj të jap gjithçka sepse dua që ata që më zgjodhën fituese të ndjehen krenarë për mua”.

Evangjelia:

“Unë ndjehem fituese. Do t’ia dal më tej sepse do t’ia kaloj shumë mirë”.

Joana:

“Erdhi krejt papritur. Nuk e prisja të përjashtohesha kështu”.

Elena (mes të qarash me dënesë):

“Besoja se do isha në dyshen finale por nuk ndodhi. Kjo më mërziti shumë, po shumë. Unë e meritoja të isha atje”.

e.t/NOA

Get the Flash Player to see the wordTube Media Player. var WT1_1 = { params : { wmode : "opaque", allowscriptaccess : "always", allownetworking : "all"}, flashvars : { file : "http%3A%2F%2Fwww.youtube.com%2Fwatch%3Fv%3DDArtnQCCasI", volume : "80", bufferlength : "8", quality : "false", 'logo.file' : "http%3A%2F%2Fnoa2.noa.al%2Fwp-content%2Fuploads%2Fvideos%2Fnoa-logo-jw.png", image : "http%3A%2F%2Fi.ytimg.com%2Fvi%2FDArtnQCCasI%2F0.jpg", title : "Sindi%20fituese", linktarget : "_self"}, attr : { id : "WT1", name : "WT1"}, start : function() { swfobject.embedSWF("http://noa.noa.netdna-cdn.com/wp-content/uploads/videos-1/player.swf", "WT1_1", "600", "440", "9.0.0", false, this.flashvars, this.params , this.attr ); } } WT1_1.start(); Get the Flash Player to see the wordTube Media Player. var WT2_2 = { params : { wmode : "opaque", allowscriptaccess : "always", allownetworking : "all"}, flashvars : { file : "http%3A%2F%2Fwww.youtube.com%2Fwatch%3Fv%3DcbCaxAZChEM%26feature%3Drelated", volume : "80", bufferlength : "8", quality : "false", 'logo.file' : "http%3A%2F%2Fnoa2.noa.al%2Fwp-content%2Fuploads%2Fvideos%2Fnoa-logo-jw.png", image : "http%3A%2F%2Fi.ytimg.com%2Fvi%2FcbCaxAZChEM%2F0.jpg", title : "Sindi%20portret", linktarget : "_self"}, attr : { id : "WT2", name : "WT2"}, start : function() { swfobject.embedSWF("http://noa.noa.netdna-cdn.com/wp-content/uploads/videos-1/player.swf", "WT2_2", "600", "440", "9.0.0", false, this.flashvars, this.params , this.attr ); } } WT2_2.start(); Lajme të ngjashmeNuk ka lajme të ngjashme

Më shumë nga Kronika