Sinjale spanjolle për Abrahamin

Përveç ekipit spanjoll të Tenerifes, menaxheri Gëzim Mançe, citon se interes dhe ofertë konkrete, ka edhe nga një ekip i kampionatit izraelit, si dhe nga një tjetër skuadër e kategorisë superiore, por oferta më e rëndësishme është ajo që ka mbërritur nga Spanja.

“Që pas mbarimit të kampionatit shqiptar, për Abraham ka patur shumë oferta nga ekipe të ndryshme që interesohen për shërbimet e tij. Më e rëndësishmja është ajo që vjen nga ekipi i sapo ngjitur këtë sezon në Temporadën spanjolle, Tenerife. Tratativat kanë avancuar dhe në ditët e ardhshme pritet konfirmimi për të vendosur rreth përgjigjes përfundimtare, nëse Abraham do të luajë apo jo në Spanjë sezonin e ardhshëm”, thotë Mançe.