Soldado me Valencian deri më 2017
Sulmuesi Roberto Soldado ka nënshkruar kontratë të re trevjeçare me Valencian që do ta mbajë atë në klub deri më 2017. 27 vjeçari, kapiten i ekipit ka shënuar 35 gola pas transferimit në klub nga Getafe dy vite më parë.
“Kontributi i tij ka qenë fantastik, të gjithë kanë qenë dëshmitar”, deklaroi presidenti i Valencias, Manuel Llorente.
“Karakteri i tij fitues e bënë figurë kyçe të ekipit dhe pikë referimi për tifozët”, shtoi ai. Valencia përfundoi e treta në La Liga prapa Real Madridit dhe Barcelonës dhe siguroi kualifikimin e drejtpërdrejtë për në fazën e grupeve të Ligës së Kampionëve.