Spanja, Luis Enrique: Nuk ndryshoj për 10 minuta të shëmtuara

Luis Enrique mbron idetë dhe ekipin e tij në prag të ndeshjes së fazës së 16-shes kundër Marokut. “Nuk do të ndryshoj për 10 minutat e vetme për tu harruar kundër Japonisë. Ne luajmë kundër Marokut, i cili është një ekip i mrekullueshëm dhe për sa i përket motivimit po bëjmë shumë mirë. Jam shumë i motivuar dhe i bindur se mundemi të marrim një rezultat të mirë”.

“Maroku është skuadra në formën më të mirë në këtë kampionat – vijon trajneri i spanjollëve – Nëse dikush e sheh me përbuzje Marokun, nuk është skuadra spanjolle. Do të luajmë në një stadium të mbushur, do të jetë festivali I futbollit. Ka shumë marokenë, me të cilët shkojmë shumë mirë. Do të kemi 5000 spanjollë që do të dëgjohen. Janë të gjithë përbërësit për t’u argëtuar. Ne duam të arrijmë objektivin tone”.