Stoltenberg: Rusia nuk tërhiqet, por rigrupohet

Shefi i NATO-s, Jens Stoltenberg ka folur para gazetarëve në Bruksel raporton BBC.

Ai thotë se forcat ruse nuk po tërhiqen, por po “rigrupohen”, duke shtuar se NATO pret “veprime sulmuese shtesë”.

“Rusia po përpiqet të rigrupohet, të rifurnizohet dhe të përforcojë ofensivën e saj në rajonin e Donbasit” në Ukrainën lindore, thotë ai.

Dhe Rusia po vazhdon të mbajë presion mbi qytetet e tjera, shton Stoltenberg.