Studentët krijojnë kordonë për të penguar demokratët mos i afrohen protestës, demorkratët: “Poshtë komunizmi, poshtë sorosianët”.

Protesta përpara Ministrisë së Arsimit ka vijuar me përplasjet mes studentëve dhe militantëve të PD-së.
Të rinjtë kanë krijuar një kordon për të mos i lejuar simpatizantët demokratë të afrohen më shumë, teksa kërkojnë që deputetët të largohen dhe të qëndrojnë vetëm protestuesit.

Nga ana tjetër, militantët e PD-së kanë vijuar me thirrjet: “E duam Shqipërinë pa Edi Ramën” dhe “Poshtë komunizmi, poshtë sorosianët”.