Sulm me armë në një lokal në Itali, një i vdekur, plagoset rëndë një tjetër

Të shtëna me armë janë shënuar në një lokal në Pescara të Italisë duke lënë të vdekur një person dhe një tjetër të plagosur rëndë i cili  është transportuar me ambulancë në spitalin e qytetit.

Sipas ANSA, ngjarja ka ndodhur në cepin e rrugës Via Ravasco dhe Strada Parco, në një zonë banimi disa qindra metra larg qendrës së qytetit.

Viktimë mbeti arkitekti Walter Albi, 66 vjeç dhe i plagosur rëndë Luca Cavallito, 48 vjeç, një ish-futbollist me precedentë penalë. 

Sipas dëshmitarëve qëllimi autori ishte një person i veshur me të zeza dhe me një helmetë të plotë të fytyrës dhe iku me motoçikletë me shpejtësi të plotë përgjatë Vittorio Veneto.

Vrasja e fundit në Pesacara daton në natën e Vitit të Ri, por një tjetër ngjarje e rëndë ndodhi në prill pikërisht në Piazza Salotto qendrore me plagosjen e rëndë të një punonjësi restoranti.

/rtsh.al/