Superdeget, me mesatare mbi 8

Per t'u bere pjese e universiteteve, e vecanerisht atij ne kryeqytet, maturantet jo vetem qe duhet te kene mesatare te larte, por duhet te marrin rezultate te kenaqshme edhe ne kater provimet e matures shteterore 2010, si dhe te bejne perzgjedhjen e duhur te dy lendeve qe do te japin provim. Kjo eshte keshilla qe japin specialistet, pas publikimit te studimit te posacem mbi tendencen e perzgjedhjes se degeve si dhe nivelit te nxenies se maturanteve.
Studimi
Sipas te dhenave te studimit, publikuar nga ekspertet e Agjencise Kombetare te Pranimit ne Universitetet (APRIAL), rezulton se ne dhjete programet me te kerkuara per studimet e larta gjate vitit te shkuar, jane pranuar nxenesit me mesataren e shkolles se mesme mbi noten 8. Konkretisht behet fjale per dege si Stomatologji, Farmaci, Mjekesi e Pergjithshme, Inxhinieri Ndertimi, Drejtesi, Finance, Shkenca Politike, Informatike etj. Nderkohe me qindra maturante qe kane perzgjedhur keto dege, por qe nuk kane respektuar kriteret e mesiperme, jane perballur me perjashtimin nga e drejta e studimeve ne keto programe. Ndonese keta te fundit kane arritur rezultatet te mira ne provime, nuk kane mundur te behen pjese e ketyre programeve per shkak te perzgjedhjes se gabuar te lendeve me zgjedhje qe duan te japin provim dhe renditjes se degeve ne formularin A-2. Per te shmangur keto perplasje, ne provimet e 2010-s jane publikuar llojet e koeficienteve jo vetem per deget e universiteteve, por dhe per profilet e shkollave te mesme para nisjes se plotesimit te formularit A1. Ne kete menyre maturantet do te kene mundesi te percaktojne per provimet me zgjedhje dy lende qe kane me shume probabilitet per t'i shpallur fitues.
Kujdes!
Sipas eksperteve, konkurruesit per universitet duhet te bejne shume kujdes, ne menyre qe te caktojne ato lende qe pershtaten me profilin e shkolles se tyre. Kjo, per vete faktin se keto te fundit rezultojne te kene edhe koeficientin maksimal ne perllogaritjen e rezultatit final. E kunderta do te ndodhte ne rast se do te percaktoheshin per provimet me zgjedhje, lende qe nuk jane te profilit te shkolles se mesme ku ka mbaruar maturanti. Ne kete rast ai do t'i heqe vetes shume pike, per shkak se koeficientet qe do te perdoren ne llogaritjen e rezultatit final do te jene me te uleta per rastet kur nxenesi qe i perket profilit shoqeror cakton per provimet me zgjedhje lende te profilit natyror dhe e anasjella. Keshtu, perzgjedhja e drejte e lendeve per provimet me zgjedhje eshte edhe kyci kryesor i sigurimit te nje vendi ne universitet. Po ashtu maturanti do te penalizohet me humbje te pikeve edhe ne rastet kur i perket profilit shoqeror, por zgjedh si preferenca te para dege te drejtimit natyror, nderkohe qe jep provime me zgjedhje te profilit shoqeror. Sipas eksperteve, ky shembull tregon se maturanti duhet te ruaje profilin e shkolles se mesme si dhe te kerkoje te jape provime me zgjedhje ato lende qe i pershtaten programit te studimit qe deshiron te ndjeke.
L.Ndoka

Programet me te kerkuara me mesataret e pranuara:
Stomatologji 8.95- 9.1
Farmaci 8.91-9.08
Mjekesi e pergjithshme 8.76-8.95
Inxhinieri ndertimi 8.69-8.86
Informatike ekonomike 8.55-8.75
Drejtesi 8.48-8.6
Finance 8.36-8.57
Shkenca politike 8.35-8.5
Inxhinieri elektronike 8.27-8.48
Psikologji 8.18-8.26