TIRANË/ Të shtëna me armë zjarri në Babrru

Të shtëna me armë zjarri janë regjistruar mbrëmjen e së premtes në zonën e Babrrusë, ku një person dyshohet se ka qëlluar në drejtim të një servisi celularësh dhe më pas është larguar nga vendi i ngjarjes.

Sipas informacionit paraprak të Policisë, ngjarja ka ndodhur rreth orës 20:25. Menjëherë pas marrjes së njoftimit, shërbimet e Policisë kanë mbërritur në vendngjarje dhe kanë nisur ndjekjen e autorit të dyshuar.

Rreth 3 kilometra larg vendit të ngjarjes, efektivët kanë bërë të mundur kapjen dhe shoqërimin e shtetasit R. M., rreth 18 vjeç, i cili po kryen veprimet procedurale në lidhje me rastin.

Nga të dhënat paraprake nuk rezulton të ketë persona të lënduar.

Grupi hetimor vijon punën për sqarimin e plotë të rrethanave të ngjarjes dhe dokumentimin ligjor të saj, ndërsa Policia bën me dije se në përfundim të hetimeve do të japë një informacion më të detajuar.