Tadic Dialogu Serbia gati

Në një intervistë për gazetën serbe Blic, presidenti Boris Tadic është shprehur se Beogradi ka gati ekipin negociator dhe pikat ku do të vihet theksi në dialogun e parashikuar me Prishtinën.

Tadic tha se tashmë Serbia është duke pritur përfundimin e procesit zgjedhor në Kosovë për të mësuar fituesin që do të përfaqësojë edhe Prishtinën në bisedimet me Beogradin.

Presidenti serb në intervistën për Blic ka komentuar edhe raportin e Dick Marty. Sipas tij ky raport ka shkundur nga themelet jo vetëm politikën kosovare por atë mbarbotërore.