Tafaj 3 shkolla te shkaterruara ne Shkoder 11 te demtuara

Ministri i Arsimit Myqerem Tafaj beri te ditur sot se 11 shkolla ne rrethin e Shkodres jane te permbytura nga uji nderkohe qe tre prej tyre kane pesuar demtime te renda.
Ai sqaroi se ekipet e punes po mbajne situaten ne monitorim dhe do te vendosin per rehabilitimin e tyre pasi te behet vleresimi i demeve.

Duke folur per rinisjen e procesit mesimor kreu i Arsimit tha se do te merret nje vendim bazuar ne zhvillimet e metejshme ne Shkoder si dhe sigurine qe do te kene nxenesit per rinisjen e procesit. Tafaj sqaroi se nuk do te kete shtyrje te procesit mesimor por ngjeshje te oreve te mesimit bazuar ne planin e hartuar pas permbytjeve te nje viti me pare.

Ministria e Arsimit dhe Shkences ka ngritur nje Task Force per ndjekjen e vazhdueshme te situates se krijuar pas permbytjeve nga reshjet e jashtezakonshme te shiut ne disa rrethe te vendit ndersa punonjes te saj dhe drejtorive rajonale te Arsimit ndodhen ne terren.

Aktualisht mesim nuk zhvillohet ne asnje shkolle te rrethit te Shkodres perfshire edhe Universitetin Luigj Gurakuqi. Ne kete rreth shkollat e zonave te pa permbytura konviktet e shkollave profesionale dhe te Universitetit jane parashikuar si kapacitete rezerve per akomodimin e banoreve te evakuuar.