Të miturit në protestat e dhunshme, Demo: Platformë e dedikuar për minorenët që përballen me abuzime në internet

Ministri Ervin Demo bëri me dije në tryezën e Këshillit Kombëtar për të Drejtat dhe Mbrojtjen e Fëmijëve se po ngrihet platforma Help for You për të ndihmuar të miturit në mjedisin dixhital.

“Fëmijët nuk e kanë vendin mes dhunës dhe kauzave. Mbrojtja dhe siguria e tyre janë të panegociueshnme për të gjithë. E konsideroj mbrojtjen e çdo fëmije një detyrim të panegociueshëm, pavarësisht se kush e ka çuar në rrugë. Ministria e Brendshme është duke punuar për platformën Help for You, e zhvilluar nga Europol që ndihmon fëmijët nën 18 vjeç që përballen me abuzime në internet. Ka karakter informues dhe parandalues për mjedisin dixhital”, tha Demo.