Të shtëna me armë në Washington, vritet një 15-vjeçar! Plagosen 3 të tjerë, mes tyre një polic

Një 15-vjeçar ka humbur jetën dhe 3 të tjerë janë plagosur pas të shtënave me armë zjarri në Washington DC mbrëmjen e së dielës. Mes të plagosurve është edhe një oficer policie.

Të shtënat me armë ndodhën në një zonë  mjaft të populluar të mbushur me dyqane, restorante dhe bare, ndërsa gjatë kohës kur ndodhi ngjarja po zhvillohej dhe një koncert muzikor.

Sipas policisë fillimisht ka pasur një sherr në zonën e populluar dhe më pas janë dëgjuar të shtëna me armë, por mbetet e paqartë nëse dy incidentet kanë qenë të lidhura apo jo me njëra-tjetrën.

Gjatë hetimeve të policisë një armë zjarri është gjetur në vendngjarje, por që nuk është arma që vrau adoleshentin dhe plagosi të tjerët.

 /rtsh.al/