Teatri, 5 fitues per te rinjte e artit

TIRANE - "Fondi Publik per te Rinjte 2008" tanime i ka fituesit e tij. Per te tretin vit me radhe, ne saje te nje financimi te Ministrise se Kultures, fond qe kap shifren e 4 milione lekeve, jane 5 regjisore te rinj, qe do te mund te ngjisin ne skenen e Teatrit Kombetar shfaqje qe mbajne firmen e tyre. Nder 12 projektet e paraqitura, juria, e kryesuar nga drejtori i TK-se, Kristaq Skrami, perzgjodhi pese fituesit e projektit, dhe vetem nje drame e perzgjedhur eshte nga dramaturgjia shqiptare. Ndonese ne kriteret e konkursit ishte e mirepercaktuar qe perparesi duhej t'i jepej dramaturgjise shqiptare, te rinjte kane preferuar autore te huaj. Duke e menjanuar edhe nje here dramen shqiptare nga skena jone. Sikunder ka ndodhur edhe ne konkurset e shkuara, keto jane shfaqje krejtesisht per te rinjte, cka do te thote se jo vetem regjisori duhet te jete artist i ri, por edhe aktoret qe do te interpretojne duhet te jene te rinj, kostumografet e skenografet po ashtu. Edhe juria ka theksuar faktin e mungeses se dramaturgjise shqiptare ne kete konkurs te te rinjve, por ne fund i eshte dashur te perzgjedhe fituesit. Permendet fakti se jane perzgjedhur emra te medhenj nga letersia boterore dhe artistet e rinj kane hasur jo pak veshtiresi per t'i zberthyer sic duhet veprat.

Nje nder fituesit e ketij projekti eshte edhe regjisori Mikel Kalemi. Ndonese fare i ri ne moshe, ai tanime eshte nje emer i afirmuar, pasi eshte i pari regjisor shqiptar qe ka ngjitur ne skenen tone kryevepra te antikitetit grek, tragjedine "Antigona" edhe "Medean". Regjisori Kalemi shprehet se, "Ka zgjedhur kete veper per te bere dicka ndyshe nga tragjedite qe ka vene ne skene. Nuk pata qasje ndaj nje vepre shqiptare ndaj zgjodha pjesen"Kthesa" te Tankret Dorst". Artistet pjesemarres ne kete shfaqje jane po te rinj, skenografe eshte Soela Zani dhe nje nder aktoret eshte Alert Celoaliaj. Ndersa "Java e teatrore e regjisoreve te rinj" do te mbahet ne ambientet e Teatrit Kombetar ne muajin tetor te 2008-es.

Projektet fituese

Mikel Kalemi me "Kthesa" e Tankret Dorst

Irvin Mucaj me "Pluhuri mbi parvaz" i Astrit Canit

Juli Sinani me "Over there" e Morun Motok

Eglantina Cenoimeri me "Knepp" e Jorge Godenberg

Erion Hinaj me "Kamerieri memec" i Harold Pinter