Teatri zhvillues shfaqje me femijet e Zyber Hallullit

Teatri zhvillues ka filluar shfaqjen e parë të tij me fëmijët e Zyber Hallullit. Sipas organizatores Sonila Kapedani kjo formë e të dhënit të mesazheve përmes teatrit, ku adoleshentët janë pjesë, ndihmon në krijimin e një këndvështrimi të ri për realitetin.

Vetë fëmijët, të cilët ishin protagonistët e shfaqjes së “ Miti i Herkulit” shprehen të lumtur që interpretuan në skenë.

Vepra përcjell mesazhe të forta dhe ngre pyetje se cfarë do të thotë të jesh human si dhe përgjegjësitë për jetët e reja, që vijnë si dhe rolin e gjithsecilit në familje. Ndaj organizatorët jo pa qëllim kanë zgjedhur këtë pjesë për ta vënë në skenë me këta fëmijë. Më pas qendra e hulumtimit progresiv do të vazhdojë të ngjisë shfaqje të tjera më fëmijë të shtresave të ndryshme shoqërore.