Tendosje mes dy Koreve

Ushtria e Koresë së Jugut ka deklaruar se është e gatshme t’i përgjigjet çdo provokimi nga Pheniani, në kushtet e aktivitetit në rritje nga aeroplanët luftarakë të Koresë së Veriut.

Komandanti i Forcave të Armatosura të Koresë së Jugut tha se po i ndjek me “vëmendje lëvizjet e Koresë së Veriut”, pas një numri të konsiderueshëm të dislokimit të aeroplanëve nga ana e Koresë së Veriut në afërsi të hapësirës ajrore të Koresë së Jugut në javët e fundit.

Një zëdhënës i komandantit të ushtrisë jug-koreane nuk dha hollësi në lidhje me aktivitetin e forcave veri-koreane. Por njoftohet se aeroplanët e Koresë së Veriut kanë bërë dhjetëra fluturime të përditshme, disa prej të cilave u janë afruar rajonit që njihet si vija e Veprimit taktik.

Ky rajon ndodhet rreth 20 deri 50 kilometra në veri të hapësirës ajrore të Koresë së Jugut. Çdo aeroplan që i afrohet kësaj pike detyron ngritjen e aeroplanëve luftarakë të Koresë së Jugut.

Një zyrtar tha se asnjë prej aeroplanëve të Koresë së Veriut nuk ka hyrë në hapësirën ajrore të Koresë së Jugut.