Tensione në Kuvend/ PS voton pro ndryshimit të rendit të ditës, opozita bllokon foltoren
Propozimi i kreut të grupit parlamentar socialist, Taulant Balla për ndryshimin e rendit të ditës së Kuvendit për të kaluar në fund të diskutimeve interpelancat dhe për të vijuar diskutimet mbi pr.ligjin për Reformën Territoriale ka nxitur reagimin e opozitës e cila ka kundërshtuar ndryshimin e rendit.
Pas bllokimit të foltores së Kuvendit nga ana e kreut të grupit parlamentar demokrat Gazment Bardhi dhe deputetit të Partisë “Mundësia” Erald Kapri, mazhoranca ka hedhur në votim kërkesën e Ballës duke e miratuar me 74 vota pro dhe 2 kundër.
Projektligji për Reformën Territoriale, i propozuar nga Partia Socialiste, parashikon reduktimin e numrit të bashkive nga 61 në 46.
/rtsh.al/