Tensionet në rritje me Amerikën, Kina ndalon çipat "Micron": Rrezikojnë sigurinë kombëtare

Kina thotë se produktet e prodhuara nga gjigandi amerikan i çipave të memories Micron Technology janë një rrezik për sigurinë kombëtare. Rregullatori i hapësirës kibernetike njoftoi të dielën se prodhuesi më i madh amerikan i çipave të memories paraqet "rreziqe serioze të sigurisë së rrjetit".

Kjo do të thotë se produktet e firmës do të ndalohen nga projektet kyçe të infrastrukturës në ekonominë e dytë më të madhe në botë. Kjo është lëvizja e parë e madhe e Kinës kundër një prodhuesi amerikan të çipave, pasi tensionet rriten midis Pekinit dhe Uashingtonit.

Njoftimi është zhvillimi më i fundit në një grindje të thelluar midis SHBA-së dhe Kinës mbi teknologjinë thelbësore për ekonomitë në mbarë botën.

Mosmarrëveshja e gjatë ka bërë që Uashingtoni të vendosë një sërë masash kundër industrisë së prodhimit të çipave të Pekinit dhe të investojë miliarda dollarë për të nxitur sektorin e gjysmëpërçuesve të Amerikës.

"Rishikimi zbuloi se produktet e Micron kanë rreziqe serioze të sigurisë së rrjetit, të cilat paraqesin rreziqe të rëndësishme sigurie për zinxhirin e furnizimit të infrastrukturës së informacionit kritik të Kinës, duke ndikuar në sigurinë kombëtare të Kinës", tha Administrata e Hapësirës Kibernetike të Kinës.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu