Terror në Southampton, zjarr i tmerrshëm para stadiumit

Stadiumi i Southampton u evakuua pasi u përfshi nga tymi pasi një zjarr i madh shpërtheu jashtë portave të tij. Siç raporton Sun, stadiumi St Mary’s u mbulua nga një re e zezë e madhe, ndërsa flaka përfshiu një fabrikë në një zonë industriale aty pranë, vetëm disa orë para ndeshjes në Championship kundër Preston.

Shërbimet e urgjencës mbërritën me shpejtësi në vendngjarje dhe vendosën një kordon sigurie, ndërsa një video u bë virale në mediat sociale e cila kapte momentin në të cilin zjarrfikësit e guximshëm luftuan me flakët, ndërsa tymi ngrihej në ajër. Vrulli i pabesueshëm i zjarrit u ngjit mbi St Mary’s dhe zonën përreth, duke i lënë të pranishmit të habitur. Një altoparlant u dëgjua duke i thënë stafit që të evakuonin menjëherë stadiumin me 32,000 vende.