Thaçi: Serbia të distancohet nga aktet e dhunës

Kryeministri i Kosovës Hashim Thaçi i ka bërë sërish thirrje Serbisë që të distancohet nga aktet e dhunës.
"është në interesin e të gjithëve që Beogradi të largohet dhe të distancohet nga inspirimi i dhunës dhe njerëzve të dhunës në këtë pjesë të territorit tonë", ka deklaruar Thaçi.

Në fjalën e tij në mbledhjen e qeverisë kryeministri Thaçi ka theksuar se cilido që të jetë vendimi i GJND-së, për Kosovën do të ketë vetëm konsolidim të shtetit të saj.

"çështja e statusit është mbyllur njëherë e përgjithmonë. Njohjet do të vazhdojnë dhe integriteti territorial i Kosovës do të mbetet i pacënueshëm", ka shtuar Thaçi.