Tiranë, Ford-i përplaset me makinën e mbeturinave, plagoset një person

Tiranë- Një aksident i rëndë ka ndodhur në orët e para të mëngjesit të së enjtes me pasojë plagosjen e një personi.

Një makinë tip Ford Focus me targë AA 650 GI është përplasur me makinën e mbledhjes së mbeturinave.

Sipas bluve, drejtuesi i mjetit ka humbur kontrollin dhe për pasojë është përplasur në afërsi të rrugës Bardhyl në kryeqytet.

I lënduari u dërgua me shpejtësi për në Spitalin Ushtarak, në gjendje të rëndë për jetën.

Shkaqet e aksidentit janë ende të paqarta, ndërsa policia nisi hetimet për zbardhjen e plotë të saj.