Tirane arrestohet zyrtari i Policise

Task Forcë në Prokurorinë e Tiranës në bashkëpunim me Shërbimin e Kontrollit të Brendshëm ka autorizuar arrestimin e Shefit të Krimeve në komisariatin numër një në Tiranë, Fatos Goxhaj, pasi akuzohet se përfitonte para për të mbyllur çështje kriminale.

Sipas Sherbimit te Kontrollit te Brendshem ai ishte ne pergjim per disa kohe pasi dyshohej se favorizonte persona te hetuar per krime te ndryshme duke u mbyllur hetimet ne kembim te te hollave.

Drejtoria e Policise se Qarkut Tirane nuk ka bere ende asnje deklarate ne lidhje me arrestimin e Goxhajt, nderkohe qe ky eshte nder te paktat raste kur akuzohet per korrupsion nje oficer policie i rangut te larte ne vitet e fundit. Goxhaj kryente detyren e Shefit te Krimeve per disa muaj.