Top Story programi i PS-se
Në ditën në të cilën Partia Socialiste publikoi programin e saj, figura të shquara të partisë më të madhe në opozitë folën në “Top Story” për atë që është sot PS dhe për atë që duhet të shndërrohet në të ardhmen. Njëkohësisht, debati i gjatë u fokusua në fraksionet që ndodhen brenda selisë “rozë”. Arben Malaj, antar i Kryesisë së Partisë Socialiste dhe një prej kritikëve më të mëdhenj të Ramës, së bashku me Erjon Veliajn, Bashkim Finon dhe Et’hem Rukën, iu përgjigjën pyetjeve të gjithëanshme për socialistët.
Replika Malaj-Veliaj mbi kritikat e Mejdanit
Një prej antarëve më të vjetër të PS-së, Arben Malaj, kundërshtoi që në fillim kolegun e tij Veliaj, mbi qëndrimin që duhet të mbajë selia “rozë” ndaj deklaratave të ish-Presidentit të Shqipërisë, Rexhep Mejdanit, i cili deklaroi se nuk e shihte si realist programin për krijimin e 300 mijë vendeve të punës në një mandat të vetëm. Pasi Veliaj aludoi për “qejfmbetje” gjatë asablesë, që çuan Mejdanin të shprehej në atë mënyrë dhe pasi theksoi se mund të “gjenden forma më elegante kritikimi”, Malaj theksoi se: “Nuk duhet t’I japë askush vetes tagrin që të flasë për ish-President nëse ka qejfmbetje apo jo. Kjo është ajo që nuk duhet të ekzistojë në Partisë Socialiste të së ardhmes dhe që fatkeqësisht sot ende është prezente. Në momentin që një koleg shpreh diçka që nuk na pëlqen, duhet ta respektojmë mendimin, sepse ekzistenca e shumë mendimeve është suksesi i vërtetë i Partisë Socialiste. Nuk duhet të kalojmë në denigrime, praktikë kjo që nuk duhet të ekzistojë kurrë brenda PS-së”.
Malaj: Në PS nuk ka “gardë të vjetër” dhe të re
Duke folur për atë që është Partia Socialiste, ish-Ministri i Financave, Malaj që në fillim u ndal në pikën që “brenda partisë nuk ka xhaketa të vjetra dhe të reja. Ajo që na bën fitues është vlera, përkushtimi, partimet dhe kualifikimet e njerëzve që formojnë këtë forcë. Mosha është vetëm një e dhënë statistikore, një e dhënë kronologjike se kur ke lindur, por në aderimin në PS, nuk duhet të jetë absolutisht një parim. E njëjta vlen edhe për liderin, sepse PS nuk ka lider, është një grup pune që qëndron dhe punon gjithmonë bashkë”.
Duke komentuar pozicionin në opozitë dhe programin e ri të publikuar, Malaj shtoi: “Në këtë kohë, fitorja është bërë më e vështirë. Zhvillimet e reja politike e bëjnë të pamundur të fitosh me 60-70%. Kjo do të thotë se lufta politike është ashpërsuar. Megjithatë, nëpërmjet programit që kemi publikuar, kryesorja është të fitojmë besueshmërinë e shqiptarëve. Të shkruash bukur është e thjeshtë, ajo që duhet të bëjmë ne është që të japim garanci që ato që kemi shkruar, do të zbatohen sa të kemi mundësi të qeverisim vendin. Në 2013-n, duhet të përfundojë mandati i Berishës, por edhe koncepti i tij i shtetbërjes. Duhet të përfundojë mënyra se si konceptohet pushteti, nëpërmjet liderave të fortë dhe institucioneve të dobëta”.
Veliaj: Programi ynë, një alternativë tërësisht e ndryshme
“Programi ynë është i ndryshëm në konceptim. Duke nisur nga taksat, nga e cila do të përfitojë 95% e shqiptarëve. Pa dyshim, për ata që jetojnë në lukse, banojnë në Gjirin e Lalzit apo vende të tjera eksluzive dhe për ata që s’kanë provuar ndonjëherë të jenë të papunë, programi ynë i ri nuk ka shumë se çfarë t’I ofrojë”, deklaroi Erjon Veliaj, një prej antarëve më të rinj të Asamblesë së PS-së.
Duke zhvilluar idenë e tij, Veliaj shtoi se: “Qeveria Berisha, në gjashtë vjet që drejton vendin, ka patur kohë të bëjë me dhjetëra ndryshime. Në gjashtë buxhete, 12 duke patur parasysh buxhetet në mesin e vitit, asnjëherë nuk ka qenë fondi për arsimin prej 5%. Kjo do të thotë që thjesht nuk duan. Në këto vite, Ministrat kur sëmuren shkojnë kurohen jashtë ose në klinika private. Si ka mundësi që qeveria e drejtuar nga një mjek nuk ka besim të kurohet në spitalin shtetëror, si 95% e shqiptarëve?”.
Veliaj u ndal edhe tek një koncept më i gjerë, si ai i “dekokracisë së ushtruar”. “Shihni se çfarë ndodhi sot në Kuvend. U miratua një ligj shumë i debatueshëm, ai i plehrave. Si ka mundësi që një ligj me një interes kaq të gjerë publik, nuk pranohet të shkojë në referendum dhe të pyetet populli? Partia Demokratike asnjëherë nuk e ka patur si parim këtë gjë. Për ta, demokracia, edhe pse dyshoj ta kenë kuptuar ndonjëherë si fjalë, është vota e vjedhur një herë në katër vjet. Për ne, është një sport që duhet ushtruar vazhdimisht. Refendumi është një mënyrë për ta bërë këtë”.
Fino: Mendim ndryshe, por jo veprim ndryshe
Nga ana e tij, Bashkim Fino, një prej figurave më të vjetra të Partisë Socialiste, vlerësoi lart programin, por këmbënguli në faktin se “është e rëndësishme që të të mendojmë ndryshe, por të veprojmë të gjithë njësoj. Partia Socialiste është e rëndësishme që të jetë e bashkuar. Programi ynë do të jetë i tillë që të ofrojë një alternativë të re, të besueshme. Megjithatë, bëhet fjalë vetëm për një hap të parë, pasi është e qartë që gjithçka do të vazhdojë të shtjellohet deri në ardhjen e zgjedhjeve”.
Ruka: Bazohemi në katër shtyllat themelore për vendin
Një prej “baballarëve” themelues të Partisë Socialiste, Et’hem Ruka, duke folur për programin, veçoi se “është puna e shumë specialistëve, një kontribut dhe përvojë suksesesh e dështimesh në 20 vitet tona të ekzistencës sonë. Është një program realist, që nuk premton të shkojmë në Hënë, por që bazohet në nevojat e përditshme të shqiptarëve, në hallet e tyre, që nuk do të zgjidhen me magji, por do të përmirësohen në mënyrë të vazhdueshme. Kryesorja do të jetë rimëkëmbja e ekonomisë. Përtej populizmit, njerëzit e provojnë në xhepat e tyre krizën ekonomike. Duhet të fusim vendin në hullinë e drejtë të integrimit. Është e lehtë ta thuash, por program ynë ka me mijëra faqe të detajuara dhe të hartuara nga specialistë. Nuk është një program populist, por absolutisht realist”.
Facebook
if (window.ads_ad_block){ads_ad_block=ads_ad_block+1;}else{ads_ad_block=1;}
function showAdBlock_2136(ppc_ad_block_count)
{
title = document.title;
show_ads_id = 2136;
show_ads_url = "http://www.kosoftads.com/publisher-show-ads.php";
block_count=ppc_ad_block_count;
iframe_width=580;
iframe_height=115;
metainfo=document.getElementsByTagName('meta');
ref=document.referrer;
showContentAds(metainfo);
}
setTimeout("showAdBlock_2136("+ads_ad_block+")",1000*(ads_ad_block-1));
Më shumë nga politika
“Rilindja Shqiptare”, programi i PS
Pas prezantimit pak ditë më parë nga lideri Edi Rama, Partia Socialiste ka publikuar projektin final të programit të saj, titulluar "Për një Rilindje shqiptare".
“Top Story”: Debate për Kongresin e PS
Pas dy ditësh socialistët mbledhin kongresin e tyre të rradhës. Në të do të diskutohet një statut i ri, një program i ri dhe një qëndrim i ri dhe do të ketë edhe kritika të reja.
Rama: Importi i plehrave, tradhëti
Kreu opozitës, Edi Rama, nuk ka mbetur jashtë debateve në parlament ku diskutohej ligji i kthyer nga presidenti Bamir Topi për “menaxhimin e integruar të mbetjeve”.
Lamtumirë shesh e Skënderbe!
Artan Lame - Më në fund pas 30 vjet përpjekjesh titanike, ja dolëm ta shkatërrojmë
dhe zhdukim sheshin “Skënderbej”. Vërtet na u deshën shumë përpjekje,
por tani mund të themi me krenari se vepra e filluar 90 vjet më parë nuk
ekziston më.
Beteja për modelin e ri ekonomik
Qeveria miratoi kuadrin makro-ekonomik dhe financiar, si dhe projektin
buxhetor për vitin 2012-2014, që sipas kryeministrit Sali Berisha vendos
bazat financiare, për nisjen e mandatit të tretë qeverisës.
Lajmet kryesore
Kuvendi rikonfirmon ligjin e mbetjeve
Rrëzohet dekreti i Topit për plehrat dhe KLSH-në, miratohet emërimi i Meksit në BSH
Qytetarët kundër importit të mbetjeve
“Rilindja Shqiptare”, programi i PS
“Plehrat”, BE e shqetësuar