Topalli në mbrojtje të Berishës: Parlamenti, tempulli i të vërtetave

TIRANE - Kryetarja e Parlamentit, Jozefina Topalli, i bëri sot thirrje opozitës, nga selia e Kuvendit, që t'i kthehet jetës parlamentare. Ndërkohë që mbrojti edhe shefin e saj , Berisha me fjalët "Parlamenti është tempulli i të vertetave të pashkelura. Zërin për t'i thënë të këto fakte të forta, duhet ta kishim ngritur me përpara".

Kryetarja e Kuvendit tha se marr shkas nga ratifikimi i Rezolutes nga Parlamenti Europian për ti bërë thirrje deputeteve të majtë që të lënë bojkotin e të vijnë në Kuvend.

"Ne i mirëpresim deputetët e opozites në Parlament se kemi detyra të shumta për të bërë. Do te gjejmë konsensusin për të gjitha punët që do të na dalin përpara", u shpreh më tej, ajo.

Duke folur për deklaratat e një dite me parë foltoren e Kuvendit, të Kryeministrit Berisha, i cili vërshoi në lum sharjes familjare ndaj liderit të opozitës, Topalli theksoi se është me etike të thuash të vertetat, se sa të heshtesh dhe t'i injorosh ato.