Topi pershendet 3-vjetorin e anetaresimit ne NATO
Presidenti i Republikës Bamir Topi ka përshëndetur 3-vjetorin e anëtarësimit të Shqipërisë në NATO me anë të një mesazhi në faqen zyrtare të Presidencës.
“3 vjet më parë Shqipëria u bë zyrtarisht anëtare në NATO. Kjo ngjarje historike ka zënë vend nderi në kujtesën tonë shtetërore e kombëtare, si kurorëzim i aspiratave dhe përpjekjeve të gjata kombëtare, si rikthim i natyrshëm i shqiptarëve në familjen atlantike dhe si një hap me rëndësi për forcimin e paqes, stabilitetit dhe demokracisë në rajonin e Evropës Juglindore”, lexohet në mesazhin e Presidentit.
“Merita kryesore e arritjes së këtij suksesi u takon ushtarakëve shqiptarë, të cilët me aftësi profesionale, kurajo dhe korrektësi, arritën ta shndërrojnë sistemin e vjetër të mbrojtjes në një model të ri modern, në standardet e njëjta me vendet e tjera anëtare të organizatës. Për vite me radhë ushtarakët tanë ishin dhe janë pjesë e misioneve paqëruajtëse në vende të ndryshme në botë, ku përmes angazhimit profesional dhe sakrificave deri në dhënien e jetës, e ngritën lart emrin e Shqipërisë dhe të Ushtrisë shqiptare” shton presidenti Topi.
Në fund, Presidenti i Republikës thekson se ashtu siç Shqipëria meritoi NATO-n edhe “qytetarët shqiptarë meritojnë anëtarësimin në Bashkimin Europian”.
“Është përgjegjësi direkte e institucioneve politike për ta bërë këtë aspiratë një realitet të prekshëm, të merituar, të qëndrueshëm dhe afatgjatë”, përfundon mesazhi i Presidentit.
“3 vjet më parë Shqipëria u bë zyrtarisht anëtare në NATO. Kjo ngjarje historike ka zënë vend nderi në kujtesën tonë shtetërore e kombëtare, si kurorëzim i aspiratave dhe përpjekjeve të gjata kombëtare, si rikthim i natyrshëm i shqiptarëve në familjen atlantike dhe si një hap me rëndësi për forcimin e paqes, stabilitetit dhe demokracisë në rajonin e Evropës Juglindore”, lexohet në mesazhin e Presidentit.
“Merita kryesore e arritjes së këtij suksesi u takon ushtarakëve shqiptarë, të cilët me aftësi profesionale, kurajo dhe korrektësi, arritën ta shndërrojnë sistemin e vjetër të mbrojtjes në një model të ri modern, në standardet e njëjta me vendet e tjera anëtare të organizatës. Për vite me radhë ushtarakët tanë ishin dhe janë pjesë e misioneve paqëruajtëse në vende të ndryshme në botë, ku përmes angazhimit profesional dhe sakrificave deri në dhënien e jetës, e ngritën lart emrin e Shqipërisë dhe të Ushtrisë shqiptare” shton presidenti Topi.
Në fund, Presidenti i Republikës thekson se ashtu siç Shqipëria meritoi NATO-n edhe “qytetarët shqiptarë meritojnë anëtarësimin në Bashkimin Europian”.
“Është përgjegjësi direkte e institucioneve politike për ta bërë këtë aspiratë një realitet të prekshëm, të merituar, të qëndrueshëm dhe afatgjatë”, përfundon mesazhi i Presidentit.