Torturat e CIA-s, ndjekje penale per zyrtaret e larte

Nje dite pasi deklaroi ne zyrat e CIA-s se do te clironte nga pergjegjesite ligjore agjentet qe ushtruan torture mbi te dyshuarit e marre ne pyetje, presidenti Obama njoftoi se ata qe ne fakt do te ndiqen penalisht do te jene zyrtaret qe kane dhene urdhrat.

Sipas “Associated Press”, presidenti Obama la te hapur cdo mundesi per te derguar para drejtesise zyrtaret e administrates Bush, te cilet ushtruan bazat ligjore per legalizmin e teknikave te marrjes ne pyetje, te cilat me vone u cilesuan si tortura.

“Cdo hetim nga kongresi - tha presidenti amerikan - do te kryhet nga komisione bipartizane”.

Por fjala e fundit, sipas tij, nese keta zyrtare do te ndiqen apo jo penalisht, i takon kryeprokurorit Erik Holder.

Deklaratat e presidentit erdhen si pergjigje e interesimit te medias, gjate pritjes se Mbretit Abdullah te Arabise Saudite ne Shtepine e Bardhe.

Nje dite me pare gazeta “Nju Jork Times” raportoi se i dyshuari kryesor per sulmet e 11 shtatorit ishte torturuar 183 here perpara se te pranonte fajin.