Transferimi i fitimeve
2012 ishte një nga vitet më të vështira për biznesin shqiptar. Sipas
Ministrisë së Financave, fitimet vjetore të ndërmarrjeve u tkurrën me
14.5 për qind, një nga rëniet më të mëdha historike.
Përkeqësimi i treguesve financiar të kompanive është rezultat i rënies së shitjeve dhe ngadalësimit të ekonomisë në tërësi. Por jo të gjitha bizneset janë prekur nga kjo tendencë. Për një pjesë të tyre, veçanërisht ndërmarrjet e huaja që bëjnë biznes në Shqipëri 2012-a nuk ka qenë aspak vit i keq, përkundrazi. Sipas Bankës së Shqipërisë, fitimet dhe dividentët që bizneset e huaja transferuan jashtë vitin e kaluar u rritën me mbi 40 për qind duke arritur në 264.3 milionë euro.
Shumica e tyre janë në sektorët më fitimprurës, si industria bankare dhe telekomunikacionet, ndërsa të tjerë operojnë kryesisht në tregje monopol përmes privatizimeve apo koncesioneve. Sërish kjo shifër përmban vetëm fitimet e transferuara në vendet e origjinës, pa përfshirë pjesën që këto kompani kanë riinvestuar për të zgjeruar biznesin e tyre në Shqipëri.
Transferimi masiv i fitimeve është një fenomen i ri në ekonominë shqiptare. Në vitin 2007, gjithë fitimi që bizneset e huaja transferuan ishte vetëm 56.5 milionë euro. Një vit më vonë shifra u rrit me 5 herë. Kursi i këmbimit filloi të lëkundej dhe brenda pak kohësh për shkak edhe të krizës leku u zhvlerësua me mbi 15 për qind ndaj euros.
Që pas 2008-ës fitimet e nxjerra jashtë kanë qëndruar në rendin e 2.5 deri në 4 për qind e Prodhimit Kombëtar. Rekordi historik është ai i vitit 2009, ku shifra arriti plot 400 milionë euro. Një vit më vonë Qeveria u detyrua të dilte në tregun ndërkombëtar, për të marrë borxh tregtar në euro dhe një nga arsyet e këtij vendimi ishte pikërisht mungesa e valutës në ekonomi. Ekspertët thonë se ka dy arsye kryesore se pse fitimet e dala jashtë janë rritur fort katër vitet e fundit. Së pari një pjesë e investimeve të huaja që janë realizuar vitet e mëparshme janë në fazën e vjeljes së fitimeve. Ndërsa arsyeja e dytë lidhet me situatën ekonomike, ku për shkak të rënies së fuqisë blerëse, bizneset janë më shumë të prirura të mbajnë fitime se sa të investojnë.
Përkeqësimi i treguesve financiar të kompanive është rezultat i rënies së shitjeve dhe ngadalësimit të ekonomisë në tërësi. Por jo të gjitha bizneset janë prekur nga kjo tendencë. Për një pjesë të tyre, veçanërisht ndërmarrjet e huaja që bëjnë biznes në Shqipëri 2012-a nuk ka qenë aspak vit i keq, përkundrazi. Sipas Bankës së Shqipërisë, fitimet dhe dividentët që bizneset e huaja transferuan jashtë vitin e kaluar u rritën me mbi 40 për qind duke arritur në 264.3 milionë euro.
Shumica e tyre janë në sektorët më fitimprurës, si industria bankare dhe telekomunikacionet, ndërsa të tjerë operojnë kryesisht në tregje monopol përmes privatizimeve apo koncesioneve. Sërish kjo shifër përmban vetëm fitimet e transferuara në vendet e origjinës, pa përfshirë pjesën që këto kompani kanë riinvestuar për të zgjeruar biznesin e tyre në Shqipëri.
Transferimi masiv i fitimeve është një fenomen i ri në ekonominë shqiptare. Në vitin 2007, gjithë fitimi që bizneset e huaja transferuan ishte vetëm 56.5 milionë euro. Një vit më vonë shifra u rrit me 5 herë. Kursi i këmbimit filloi të lëkundej dhe brenda pak kohësh për shkak edhe të krizës leku u zhvlerësua me mbi 15 për qind ndaj euros.
Që pas 2008-ës fitimet e nxjerra jashtë kanë qëndruar në rendin e 2.5 deri në 4 për qind e Prodhimit Kombëtar. Rekordi historik është ai i vitit 2009, ku shifra arriti plot 400 milionë euro. Një vit më vonë Qeveria u detyrua të dilte në tregun ndërkombëtar, për të marrë borxh tregtar në euro dhe një nga arsyet e këtij vendimi ishte pikërisht mungesa e valutës në ekonomi. Ekspertët thonë se ka dy arsye kryesore se pse fitimet e dala jashtë janë rritur fort katër vitet e fundit. Së pari një pjesë e investimeve të huaja që janë realizuar vitet e mëparshme janë në fazën e vjeljes së fitimeve. Ndërsa arsyeja e dytë lidhet me situatën ekonomike, ku për shkak të rënies së fuqisë blerëse, bizneset janë më shumë të prirura të mbajnë fitime se sa të investojnë.