Tronditëse në Lezhë, strehoi mikeshën në shtëpinë e tij, 38-vjeçari kryen marrëdhënie me vajzën e saj të mitur
Simon Gjoka, 38-vjeç, është arrestuar nga Policia e Lezhës, pas akuzave për vjedhje dhe për marrëdhënie seksuale me të mitur.
Sipas njoftimit të policisë, Gjoka është identifikuar si autor i disa vjedhjeve, ndërsa pas kontrollit të telefonit të tij, u zbardh një ngjarje tjetër tronditëse. Ai rezulton të ketë kryer marrëdhënie me një vajzë 13-vjeçare, bijën e mikeshës së tij, e cila së bashku me të bijën strehohej në banesën e tij.
Si pasojë e këtyre hetimeve, Simon Gjoka është arrestuar dhe aktualisht policia po punon për zbardhjen e plotë të ngjarjes, si dhe për hetimin e vjedhjeve të tjera të mundshme që ai ka kryer.
Njoftimi i policisë:
Vihet në pranga një shtetas për vjedhje dhe marrëdhënie seksuale me të mitur.
Sekuestrohen dy automjeteve dhe prova të tjera për dokumentimin ligjor të veprave të kryera nga ky shtetas.
Seksioni për Krimet në Volum në Komisariatin e Policisë Lezhë, në vijim të punës për parandalimin, evidentimin dhe zbardhjen e rasteve të vjedhjeve të pronës dhe vënien para përgjegjësisë ligjore të autorëve, si dhe në bazë të provave të grumbulluara, finalizuan operacionin policor të koduar “Tranzit”, në kuadër të cilit u bë i mundur kapja dhe ndalimi i shtetasit: S.Gj.,38 vjeç,lindur dhe banues ne Milot Kurbin.
Nga hetimet e kryera ka rezultuar se shtetasi S. Gj, është autori i disa vjedhjeve të bagëtive të trasha në fshatin Gajush, vjedhje të ndodhura në javën e parë të muajit shkurt 2025, si dhe dyshohet se ka kryer edhe disa vjedhje të tjera në fshatra të tjera ku vijon puna për dokumentimin ligjor të tyre.
Gjatë kontrollit në banesën e tij, Policia sekuestroi dy automjete që shërbenin për transportimin e bagëtive të trasha që ky shtetas vidhte në fshatrat e Lezhës.
Po ne vijim të veprimeve policia gjatë këqyrjes së celularit të këtij shtetasi zbuloi se 38 vjeçari kishte kryer marrëdhënie seksuale e një të mitur 13 vjeçare (vajzën e një shtetaseje që strehohej në banesën e saj në Lezhë, lidhje miqësore e tij).
Vijon puna për grumbullimin e provave dhe dokumentimin e plotë ligjor të veprave të tjera penale, si dhe për identifikimin e bashkëpunëtorëve të mundshëm, të cilët mund të kenë ndihmuar në realizimin e vjedhjeve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprat penale “Vjedhja e kryer në bashkëpunim” dhe “Marrëdhënie seksuale me të mitur”.