Trumpit i dorëzohet plani për të ndalur ndihmën ushtarake amerikane për Kievin, nëse nuk bën bisedime për paqe me Moskën

Dy këshilltarë kryesorë të Donald Trump i kanë paraqitur atij një plan për t’i dhënë fund luftës së Rusisë në Ukrainë – nëse ai fiton zgjedhjet presidenciale të 5 nëntorit.

Plani parashikon që ti bëhet presion Ukrainës se do të marrë më shumë armë amerikane vetëm nëse ajo hyn në bisedimet për paqe me Rusinë.

Shtetet e Bashkuara do të paralajmëronin në të njëjtën kohë Moskën se çdo refuzim për të negociuar do të rezultonte në rritjen e mbështetjes së SHBA për Ukrainën, tha në një intervistë gjenerallejtënant në pension, Keith Kellogg, një nga këshilltarët e Trumpit për sigurinë kombëtare.

Sipas planit të hartuar nga Kellogg dhe Fred Fleitz, të cilët të dy shërbyen si shefa shtabi në Këshillin e Sigurisë Kombëtare të Trump gjatë presidencës së tij 2017-2021, paraprakisht do të kishte një armëpushim bazuar në linjat e betejës mbizotëruese gjatë bisedimeve të paqes. Reuters

/rtsh.al/