Turi në rajon, ministri Hasani vizitë zyrtare në Mal të Zi
Ministri i Jashtëm Igli Hasani zhvillon një vizitë zyrtare sot (18 janar) në Malin e Zi, pjesë e turit të tij në rajonin e Ballkanit. Ministri Hasani do të pritet nga homologu i tij malazez Filip Ivanović në orën 10.00, ku parashikohet edhe një konferencë për media mes të dyve.
Hasani do të takohet edhe me presidentin e Malit të Zi, Jakov Milatovic si dhe zëvendëskryeministrin shqiptar Nik Gjeloshaj.
Gjatë vizitës në Malin e Zi, ministri Hasani do të zhvillojë takime dhe me Kryetarin e Këshillit Kombëtar të Shqiptarëve në Mal të Zi dhe drejtues të Partive Politike Shqiptare në Mal të Zi dhe deputetë.
Turin në rajonin e Ballkanit ministri i Jashtëm Igli Hasani e nisi më 16 janar nga Kosova dhe më pas në Maqedoninë e Veriut, ku i konsideroi shqiptarët si faktor stabiliteti.
AXHENDA E SH.T.Z Igli Hasani në Malin e Zi sot më (18 janar)
10:00 / Takim me Ministrin e Punëve të Jashtme të Malit të Zi, z. Filip Ivanović
11:00 / Konferencë për media e ministrave Hasani – Ivanovic
11:30 / Takim me Presidentin, z. Jakov Milatovic
12:15 / Takim me Zëvendëskryeministrin, z. Nik Gjeloshaj
15:30 / Takim me Kryetarin e Këshillit Kombëtar të Shqiptarëve në Mal të Zi; Drejtues të Partive Politike Shqiptare në Mal të Zi dhe deputetë:
- Faik Nika (Kryetar i Këshillit Kombëtar Shqiptar në Mal të Zi),
- Nik Gjeloshaj (Alternativa Shqiptare – Kryetar),
- Fatmir Gjeka (Partia Demokratike – Kryetar – Minister i të Drejtave të Njeriut dhe të Pakicave)
- Genci Nimanbegu (Forca e Re Demokratike – Kryetar)
- Mehmet Zenka(Unioni Demokratik i Shqiptareve – Kryetar)
- Ivan Ivanaj (Lidhja Demokratike Shqiptare – Kryetar)
- Saubih Mehmeti (Lidhja Demokratike në Mal të Zi – Kryetar)
- Ferhat Dinosha (Unioni Nacional Shqiptar – Kryetar)
- Bujar Hasangjekaj (Lidhja Demokratike Shqiptare – Kryetar – Kryetar i Kuvendit të Komunës së Gucisë)
- Nikollë Camaj Lidhja Demokratike Shqiptare, LDSH – Deputet në Kuvendin e Malit të Zi)
- Ilir Çapuni (Forca e Re Demokratike – Deputet në Kuvendin e Malit të Zi)
- Artan Çobi (Alternativa Shqiptare-ASH- Deputet në Kuvendin e Malit të Zi)
/rtsh.al/