Tymoshenko apelimi javen e ardhshme
Avokatët e ish-kryeministres ukrainase, Yulya Tymoshenko do ta apelojnë dënimin e saj me 7 vjet burg javën e ardhshme.
Lajmin e ka bërë të ditur një nga përfaqësuesit ligjorë të lideres së opozitës, Yuri Sukhov për agjencinë e lajmeve “Interfax”.
Avokatët e heroinës së Revolucionit Portokalli kanë marrë 51 faqet e vendimit të së martës gjatë pasdites dhe po e analizojnë.
Tymoshenko u dënua me 7 vjet burg pasi u shpall fajtore për tejkalim kompetencash me nënshkrimin e një kontrate nafte me Rusinë.
Rezultati i procesit të Tymoshenko, i nisur nga fundi i qershorit, i mbajti tensionet të larta përgjatë gjithë verës.
Tani, me të gjitha gjasat, ai do të frenojë integrimin e Ukrainës në rrymën europiane, të cilën presidenti Viktor Janukovic e kërkon, edhe pse sic thotë “New York Times”, nuk ka rreshtur së flirtuari me Moskën.
Tymoshenko buzëqeshi kur gjykatësi dha vendimin, e më pas u ngrit në këmbë dhe thirri:
“Ky është një regjim autoritar që po e largon Ukrainën nga Europa. Zoti Janukovic po e kthen vendin mbrapsht në vitin 1937, në kohën e spastrimeve staliniste”.
Javët e fundit, diplomatë europianë e amerikanë kanë shfrytëzuar cdo rast për të paralajmëruar se burgosja e Tymoshenko do ta bënte Janukovic person “non grata” në kryeqytetet perëndimore dhe do të rrezikonte për më tepër tregtinë e lirë, si dhe Marrëveshjen e Asociimit me Bashkimin Europian, që është shumë pranë finalizimit.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Shkodër e Bulqizë, atentate me tritol
Një i plagosur rëndë; heton policia
Shqipëria ngel sërish në klasë
Ndryshojnë rregullat për administratën
Bashkia e Shkodrës “grabit” komunat
Përse dështuam me statusin?