U përplas me barrierat anësore të rrugës me motor, humb jetën 31-vjeçari në Cërrik

Një aksident tragjik është regjistruar gjatë mbrëmjes në aksin rrugor Cërrik-Elbasan, ku një 31-vjeçar ka humbur jetën.

31-vjeçari M. K., teksa po lëvizte me motor, dyshohet se ka humbur kontrollin dhe është përplasur me barrierën anësore të rrugës. Goditja ka qenë fatale për 31-vjeçarin, i cili ka humbur jetën në vendin e ngjarjes.

Pas aksidentit, në vendngjarje kanë mbërritur shërbimet e Policisë dhe grupi hetimor, ndërsa materialet i janë referuar Prokurorisë.

Grupi hetimor, nën drejtimin e Prokurorisë, vijon hetimet për të përcaktuar shkaqet dhe rrethanat e aksidentit, si dhe për të dokumentuar ligjërisht ngjarjen.

/rtsh.al/