UT, çel Infermierinë e Përgjithshme në Kukës
Gazeta “Shekulli” publikon programet e miratuara në nivelin e dytë, si dhe kuotat dhe tarifat e studimit në ciklin e parë
Qeveria ka vazhduar edhe në mbledhjen e saj të radhës, miratimin e hapjes së programeve të nivelit të dytë të studimeve në universitetet publike të Tiranës. Pas miratimit të 36 programeve të para, dje Këshilli i Ministrave u ka hapur udhë edhe 14 programeve të reja, të cilat pritet të marrin formë në vitin akademik në vazhdim. Me propozim të Ministrisë së Arsimit, qeveria ka vendosur që në Universitetin Politeknik të Tiranës, krahas programeve të ciklit të dytë të studimeve të miratuara një javë më parë, në Fakultetet e Inxhinierisë Elektrike, Mekanike dhe Telekomunikacionit, të hapen programe të nivelit të dytë edhe në Fakultetin e Gjeologjisë dhe Minierave. Në këtë fakultet, këtë vit do të çelen për studentët e interesuar, 4 programe studimi që janë përkatësisht; “Inxhinieri Gjeologjike”, “Inxhinieri e Burimeve Natyrore” , “Inxhinieri Gjeofizike” dhe “Inxhinieri e Gjeomjedisit”. Në programin “Inxhinieri Gjeologjike”, në përfundim të studimeve, studentët do të marrin Diplomë të Nivelit të Dytë në profilet; “Gjeologji Inxhinierike dhe Hidrogjeologji”, “Vendburimet e Mineraleve të Dobishme-Petrologji” dhe “Gjeoinformatikë”. Në programin “Inxhinieri Gjeologjike”, për vitin akademik 2008-2009, do të hapen vetëm dy profile studimesh të nivelit të dytë si; “Përpunim Mineralesh dhe Mbetjesh” si edhe “Gjeomatikë”. Programe të Ciklit të Dytë të Studimeve do të hapen edhe në Universitetin e Tiranës dhe atë Bujqësor. Në UBT, do të hapen dy programe të nivelit të dytë; “Inxhinieri përpunim-druri” dhe “Inxhinieri pyjore”, ndërsa në UT, në Fakultetin e Shkencave të Natyrës dhe atë të Shkencave Sociale do të hapen 3 programe studimi. Po në vitin akademik 2008-2009, qeveria ka vendosur edhe hapjen e dy programeve në Ciklin e Parë të Studimeve në dy filialet e Universitetit të Tiranës në rrethet e Sarandës dhe Kukësit, në degët “Gjuhë Angleze” dhe “Infermieri e Përgjithshme”. Mbështetur në vendimin e djeshëm, në Filialin e Kukësit dhe të Sarandës, do të pranohen në degën “Gjuhë Angleze”, respektivisht 25 studentë, të cilët do të marrin në përfundim të Ciklit të Parë të Studimeve DNP (Diplomë të Nvelit të Parë). Po kështu Këshilli i Ministrave ka miratuar kuotat e pranimit dhe tarifën e shkollimit në degën “Infermieri e Përgjithshme”, në Filialin e Kukësit. Në këtë program studimi këtë vit do të pranohen 60 studentë, ndërsa taksa e studimit do të jetë 15 mijë lekë të reja. Në përfundim të këtij programi studimi do të lëshohet diplomë e nivelit të parë, DNP, në Infermieri të Përgjithshme.
Universiteti Bujqësor i Tiranës
Fakulteti i Shkencave Pyjore
Cikli i dytë
a) Programi i studimit “Inxhinieri përpunim-druri”
Diplomë e Nivelit të Dytë
DND, Inxhinieri Përpunim-Druri
b) Programi i studimit “Inxhinieri pyjore”
Diplomë e Nivelit të Dytë
DND Inxhinieri Pyjore
Kohëzgjatja 2 vite normale
120 kredite
Universiteti Politeknik i Tiranës
Fakulteti i Gjeologjisë dhe Minierave
Cikli i dytë
a) Programi i studimit “Inxhinieri gjeologjike”
-Gjeologji Inxhinierike dhe Hidrogjeologji
Diplomë e Nivelit të Dytë
DND Inxhinieri Gjeologjike
Gjeologji Inxhinierike dhe Hidrogjeologji
-Vendburimet e mineraleve të dobishme-petrologji
Diplomë e Nivelit të Dytë
DND Inxhinieri Gjeologjike
Vendburimet e Mineraleve të Dobishme-Petrologji
- Gjeologji e Vendburimeve Hidrokarbure
Diplomë e Nivelit të Dytë
DND, Gjeologji e Vendburimeve Hidrokarbure
- Gjeoinformatikë.
Diplomë e Nivelit të Dytë
DND profili Gjeoinformatikë
b) Programi i studimit “Inxhinieri e Burimeve Natyrore”
- Inxhinieri e Burimeve të Energjisë
Diplomë e Nivelit të Dytë
DND Inxhinieri e Burimeve të Energjisë
- Përpunim Mineralesh dhe Mbetjesh
Diplomë e Nivelit të Dytë
DND Përpunim Mineralesh dhe Mbetjesh
- Gjeomatikë
Diplomë e Nivelit të Dytë
DND Gjeomatikë
- Gjeoinxhinieri
Diplomë e Nivelit të Dytë
DND Gjeoinxhinieri
c) Programi i studimit “Inxhinieri gjeofizike”
Diplomë e Nivelit të Dytë
DND Inxhinieri Gjeofizike
ç) Programi i studimit “Inxhinieri e Gjeomjedisit”
Diplomë e Nivelit të Dytë
DND, Inxhinieri e Gjeomjedisit
Universiteti i Tiranës
Fakulteti i Shkencave të Natyrës
-Programi i studimit “Shkencat dhe Teknologjitë Ushqimore”
Diplomë e Nivelit të Dytë
DND, Shkencat dhe Teknologjitë Ushqimore
Fakulteti i Shkencave Sociale
-Programi i studimit “Psikolog Shkollor/Organizacional”
Diplomë e Nivelit të Dytë
DND Psikolog Shkollor/organizacional
-Programi i studimit “Psikolog Klinik i Zhvillimit dhe Marrëdhënieve”
Diplomë e Nivelit të Dytë
DND, Psikolog Klinik i Zhvillimit dhe Marrëdhënieve
Universiteti i Tiranës
Filiali i Kukësit dhe Sarandës
Cikli i Parë i Studimeve
Gjuhë Angleze dhe Infermieri e Përgjithshme