Ukraina: Goditëm sistemin raketor brenda territorit rus duke përdorur armë perëndimore
Forcat ukrainase pretendojnë se kanë goditur një sistem raketor rus S-300 brenda territorit rus duke përdorur armë të blera nga Perëndimi.
“Është një S-300 rus. Në tokën ruse. Në ditët e para pas lejes për të përdorur armë perëndimore në territorin e armikut,” postoi në Facebook zëvendëskryeministrja e Ukrainës Iryna Vereshchuk ndërsa ndante një foto që supozohej se tregonte sulmin.
Zhvillimi vjen vetëm disa ditë pasi presidenti amerikan Joe Biden i dha Ukrainës lejen për të kryer sulme të kufizuara duke përdorur armë amerikane në territorin rus rreth Kharkiv.
Është e paqartë nëse armët e përdorura në sulmin e përshkruar nga Vereschuk janë furnizuar nga SHBA./ CNN
/rtsh.al/