Ukraina: Mburoja e reaktorit të Çernobilit u godit nga droni rus
Një sulm me dron rus ka goditur mburojën e reaktorit të dëmtuar në termocentralin bërthamor të Çernobilit, ka thënë presidenti ukrainas Volodymyr Zelensky.
Sulmi shkaktoi një zjarr, i cili është shuar, shtoi ai.
Që nga mëngjesi i së premtes, nivelet e rrezatimit nuk ishin rritur në central, tha Zelensky, raporton BBC.
Agjencia Ndërkombëtare e Energjisë Atomike (IAEA) tha se personeli i sigurisë u përgjigj brenda disa minutave pas shpërthimit gjatë natës. Nuk raportohet për viktima, shtoi agjencia.
IAEA, e cila monitoron sigurinë bërthamore në botë, tha se nivelet e rrezatimit brenda dhe jashtë Çernobilit mbeten normale dhe të qëndrueshme.
Last night, a Russian attack drone with a high-explosive warhead struck the shelter protecting the world from radiation at the destroyed 4th power unit of the Chornobyl Nuclear Power Plant.
This shelter was built by Ukraine together with other countries of Europe and the world,… pic.twitter.com/mLTGeDYgPT
— Volodymyr Zelenskyy / Володимир Зеленський (@ZelenskyyUa) February 14, 2025
Agjencia mbetet në “gadishmëri të lartë” pas incidentit, ndërsa drejtori i saj i përgjithshëm Rafael Mariano Grossi tha se “nuk ka vend për panik”.
Çernobili është vendi i aksidentit më të keq bërthamor në botë, një shpërthim katastrofik në vitin 1986, shkaktoi një emergjencë të shëndetit publik në të gjithë Evropën.
Zelensky postoi pamjet në X që tregojnë dëmtimin e mburojës gjigante prej betoni dhe çeliku.
Mburoja është projektuar për të parandaluar rrjedhjen e mëtejshme të materialit radioaktiv gjatë shekullit të ardhshëm. Është 275 metra e gjerë dhe 108 metra e gjatë dhe ka kushtuar 1.6 miliardë dollarë (1.3 miliardë £) për t’u ndërtuar./vizionplus.tv