Ukraina: Shkatërrohet ura hekurudhore në Krime, goditen linja furnizimi dhe rrjeti elektrik
Ushtria ukrainase ka njoftuar se ka shkatërruar një urë hekurudhore mbi Kanalin e Krimesë së Veriut, të cilën e cilëson si një nyje strategjike ushtarake dhe logjistike të përdorur nga forcat ruse.
“Kemi një përditësim zyrtar emergjent: ura hekurudhore mbi Kanalin e Krimesë së Veriut në Krime nuk ekziston më”, thuhet në deklaratën e publikuar sipas RBC-Ukrainë.
Sipas Forcave të Operacioneve Speciale të Ukrainës, sulmi është kryer në afërsi të fshatit Rozdolne në Krimenë e pushtuar, në bashkëpunim me anëtarë të rezistencës që veprojnë në mënyrë të fshehtë në gadishull. Autoritetet ukrainase raportojnë se janë realizuar dy goditje në objektivin e njëjtë.
Po ashtu, forcat ukrainase deklaruan se më 23 qershor janë kryer operacione edhe në pjesën e pushtuar të rajonit të Zaporizhias, ku objektiv kanë qenë kamionë të përdorur për furnizimin e forcave ruse përgjatë korridorit tokësor drejt Krimesë.
WATCH: Ukraine has destroyed a bridge over the North Crimean Canal in Crimea. pic.twitter.com/jYkuzFArYm
— Clash Report (@clashreport) June 23, 2026