Uragani “Ian” lë të shkatërruar Kubën, i gjithë vendi pa energji elektrike

Kuba është plotësisht pa energji pasi uragani Ian goditi skajin perëndimor të ishulli. Sistemi elektrik po përjeton një kolaps total, thanë zyrtarët, pasi një nga termocentralet kryesore nuk mund të rikthehej në internet.

Dy persona u raportuan të vdekur dhe ndërtesa u dëmtuan në mbarë vendin. Uragani i kategorisë së tretë, me shpejtësi të erës deri në 195 km/h, tani po godet Floridan. Kreu i autoritetit të energjisë elektrike njoftoi për një ndërprerje të rrymës në të gjithë ishullin si rezultat i prishjes së sistemit elektrik kombëtar, duke lënë 11 milionë njerëz në errësirë.

Me qendër në Matanzas, 100 km në lindje të kryeqytetit Havana, Antonio Guiteras është centrali më i rëndësishëm energjetik në Kubë. Mbyllja e tij do të thotë se aktualisht nuk ka prodhim të energjisë elektrike askund në ishull./ BBC

/rtsh.al/