Ushtruan dhunë ndaj bashkëshorteve të tyre, arrestohen dy burra në Dibër

Dy persona janë arrestuar në Dibër, pasi kanë ushtruar dhunë ndaj bashkëshorteve të tyre.

Policia në një njoftim për mediat, bën me dije se në pranga kanë rë 56-vjeçari me iniciale A.H dhe 39-vjeçari me iniciale D.K.

“Shërbimet e Komisariatit të Policisë Dibër dhe Mat, pas njoftimit të marrë për një shtetas në qytetin e Peshkopisë dhe një shtetas në Burrel, të cilët po dhunonin bashkëshortet e tyre, menjëherë kanë shkuar në adresat e dhëna. Falë ndërhyrjes në kohë, kanë parandalur dy konfliktet që mund të kishin pasoja të rënda për jetën.

Shërbimet e Policisë arrestuan në flagrancë shtetasit: A. H., 56 vjeç, banues Burrel; dhe D. K., 39 vjeç, banues në Peshkopi, pasi në mënyrë të përsëritur,  kanë ushtruar dhunë fizike ndaj  bashkëshorteve të tyre”, njofton policia./vizionplus.tv