V E N D I M PER PËRCAKTIMIN E PROCEDURAVE TË REKRUTIMIT E TË EMËRIMIT, TË AFATEVE TË KALIMIT NGA NJË NIVEL MË I ULËT NË NJË NIVEL MË TË LARTË KARRIERE DHE PËR MARRJEN E MASAVE DISIPLINORE PËR PUNONJËSIT E ADMINISTRATËS TATIMORE QENDRORE
V E N D I M
PËR
PËRCAKTIMIN E PROCEDURAVE TË REKRUTIMIT E TË EMËRIMIT, TË AFATEVE TË KALIMIT NGA NJË NIVEL MË I ULËT NË NJË NIVEL MË TË LARTË KARRIERE DHE PËR MARRJEN E MASAVE DISIPLINORE PËR PUNONJËSIT E ADMINISTRATËS TATIMORE QENDRORE
Në mbështetje të nenit 100 të Kushtetutës dhe të neneve 20, pikat 2 e 3, dhe 22, të ligjit nr.9920, datë 19.5.2008, “Për procedurat tatimore në Republikën e Shqipërisë”, me propozimin e ministrit të Financave, Këshilli i Ministrave
V E N D O S I:
I. Të përgjithshme
1. Për rekrutimin e nëpunësve të administratës taimore qendrore zbatohet legjislacioni në fuqi për nëpunësit civilë për institucionet e pavarura, me përjashtim të kategorisë së punonjësve, marrëdhëniet e punësimit të të cilëve rregullohen sipas dispozitave të Kodit të Punës.
2. Drejtori i Përgjithshëm i Tatimeve merr masat për respektimin e dispozitave të legjislacionit për nëpunësit civilë, për institucionet e pavarura, dhe të kritereve të këtij vendimi, për :
. rekrutimin e punojësve;
. emërimet dhe lëvizjet e punonjësve;
. kohën, afatet dhe plotësimin e kushteve të tjera, për kalimin nga një nivel më i ulët në një nivel më të lartë karriere, të punonjësve të administratës tatimore qendrore.
3. Personeli, sipas detyrave, ndahet në punonjës të nivelit të lartë, të mesëm e të ulët drejtues dhe në punonjës ekzekutues, të kategorizuar sipas këtij vendimi.
a) Drejtor i Përgjithshëm i përgjigjet klasifikimit: nëpunës civil, i nivelit të lartë drejtues;
b) Zëvendësdrejtor i Përgjithshëm i përgjigjet klasifikimi: nëpunës civil, i nivelit të lartë drejtues;
c) Kategoria A i përgjigjet klasifikimit: nëpunës civil, i nivelit të mesëm drejtues. Në këtë kategori përfshihen funksionet: drejtor drejtorie, në Drejtorinë e Përgjithshme të Tatimeve, dhe drejtor i drejtorisë rajonale.
ç) Kategoria B i përgjigjet klasifikimit: nëpunës civil, i nivelit të ulët drejtues. Në këtë kategori përfshihen funksionet: drejtor drejtorie në drejtorinë rajonale dhe përgjegjës sektori në Drejtorinë e Përgjithshme.
d) Kategoria C1 i përgjigjet klasifikimit : nëpunës civil, i nivelit të ulët drejtues. Në këtë kategori përfshihen funksionet: përgjegjës sektori/zyre, në drejtorinë rajonale, dhe njësitë e ngjashme me to,dhe përgjegjës zyre, në Drejtorinë e Përgjithshme.
dh) Kategoria C2 i përgjigjet klasifikimi: nëpunës civil, i nivelit ekzistues. Në këtë kategori përfshihen inspektorët, në Drejtorinë e Përgjithshme të Tatimeve, të nivelit IVA, dhe inspektorët në drejtoritë rajonale dhe njësitë e ngjashme me to, të nivelit IVA.
e) Kategoria C3 i përgjigjet klasifikimit: inspector, në Drejtorinë e Përgjithshme të Tatimeve, të nivelit IVB, dhe inspektor në drejtoritë rajonale dhe njësitë e ngjashme me to, të nivelit IVB.
ë) Kategoria D1 përfshin personelin ndihmës si: llogaritar, arkëtar, shofer, magazinier, arkivist, sekretar, protokollist, centralist etj.dhe personel tjetër, të ngjashëm me to.
f) Kategoria D2 përfshin personelin tjetër ndihmës, që kryen shërbimet sanitare dhe të mirëmbajtjes së zyrave.
Marrëdhëniet e punës për personelin e kategorive D1 e D2 rregullohen nga dispozitat e Kodit të Punës.
4. Struktura organizative dhe numri i përgjithshëm i personelit të administratës tatimore qendrore miratohen nga Kryeministri, me propozimin e ministrit të Financave, pas bashkërendimit me DAP-in, ndërsa organigrama e administratës tatimore qendrore miratohet nga ministri i Financave, me propozimin e drejtorit të Përgjithshëm të Tatimeve.
II. Rekrutimi dhe vlerësimi i personelit
5. Rekrutimi i personelit të administrates tatimore
5.1. Në përputhje me nenin 19, të ligjit “Për procedurat tatimore në Republikën e Shqipërisë” e me legjislacionin në fuqi për shërbimin civil, si dhe me natyrën e veçantë të administratës tatimore, vendet e lira, brenda administrates, plotësohen në varësi të kategorisë dhe të natyrës së pozicionit, nëpërmjet njërës prej procedurave të mëposhtme:
a) Me transferimin e personelit tatimor brenda së njëjtës kategori.
b) Me ngritjen në kategori, nëpërmjet konkurrimit, të personelit tatimor ekzistues të një kategorie më të ulët.
c) Me rekrutimin e personelit, nëpërmjet procedurave të konkurrimit të hapur.
5.2. Drejtoria e burimeve njerëzore, në Drejtorinë e Përgjithshme të Tatimeve, më poshtë (DPT), në zbatim të strukturës analitike të miratuar dhe nevojave funksionale, shpall vendet e lira. Drejtori i Përgjithshëm i Tatimeve, me propozimin e drejtorit të drejtorisë së burimeve njerëzore, miraton procedurën e konkurrimit për këto vende të lira.
Përzgjedhja e kandidatëve bazohet në vlerësimin e përshtatshmërisë së tyre me kërkesat e përshkrimit të vendit të lirë të punës dhe në kriteret e përcaktuara në ankesin nr.1, që i bashkëlidhet këtij vendimi.
5.3. Përbëjnë përjashtim nga kriteret e edukimit arsimor, të përcaktuara në aneksin nr.1, për pozicionet në nivelet A, B, C1, C2 e C3 të administratës tatimore qendore rastet e mëposhtme :
a) Rekrutimi i punonjësve të teknologjisë së informacionit;
b) Rekrutimi i punonjësve të zbatimit, të drejtorisë së ivestigimit.
c) Rekrutimi i punonjësve të sektorit të administratës dhe prokurimeve, në drejtorinë e financës, administratës dhe prokurimeve;
ç) Rekrutimi i punonjësve ekzekutues të niveleve C3 e C2 , të drejtorisë së marrëdhënieve me jashtë;
d) Rekrutimi i punonjësve me përvojë mbi 4 vjet në strukturat tatimore qendrore dhe me kualifikime në fushën e tatimeve;
dh) Rekrutimi i specialistëve të niveleve C3 e C2 (inxhinier, teknolog, etj.), të nevojshëm në strukturat e kontrollit tatimor.
Vlerësimi i përmbushjes së këtyre kritereve bëhet nga drejtoria e burimeve njerëzore, në DPT. Në rastet e rekrutimeve të përmendura në këtë pike, kriteri arsimor zbatohet sipas kërkesave të veçanta, që i përgjigjen vendit të punës.
5.4. Në zbatim të nenit 17, të ligjit “Për procedurat tatimore në Republikën e Shqipërisë”, kërkesat për postin e drejtorit të Përgjithshëm të Tatimeve do të jenë të hapura.
Për këtë post, ministri i Financave i propozon Kryeministrit kandidaturat, që plotësojnë kriteret e përcaktuara në aneksin nr.1, që i bashkëlidhet këtij vendimi.
5.5. Në zbatim të nenit 17, të ligjit “Për procedurat tatimore në Republikën e Shqipërisë”, kërkesat për postin e zëvendësdrejtorit të Përgjithshëm janë të hapura.
Drejtori i Përgjithshëm i propozon për miratim ministrit të Financave kandidaturat, që plotësojnë kriteret e përcaktuara, në aneksin nr.1, që i bashkëlidhet këtij vendimi.
6. Pranimi i nëpunësve të administratës tatimore:
Pranimi i nëpunësve të administratës tatimore kryhet nëpërmjet procedurave të konkurrimit të hapur, në bazë të meritave.
Konkurrimi zhvillohet në tri faza:
a) Shpallja e konkurrimit bëhet nga drejtoria/sektori apo zyra e personelit dhe përmban kërkesat e përgjithshme, të përcaktuara në vendimin nr.231, datë 11.5.2000, të Këshillit të Ministrave, si dhe kriteret e veçanta për secilin pozicion, të përcaktuara në aneksin nr.1, që i bashkëlidhet këtij vendimi.
Drejtoria/sektori apo zyra e personelit përkatës në administratën tatimore qendrore bën përzgjedhjen e kandidatëve, që do t’i nënshtrohen testimit, pasi vlerëson se kandidatët plotësojnë kërkesat, e përgjithshme dhe të veçanta, të përcaktuara në shpalljen për konkurrim. Ankimi në këtë fazë bëhet në përputhje me legjislacionin në fuqi për nëpunësin civil.
b) Testimi, i cili bëhet me shkrim dhe me gojë. Drejtoria/sektori apo zyra e personelit përkatës në administratën tatimore qendrore ngre komitete të veçanta, me 5 anëtarë, përkatësisht zëvendësdrejtorin e Përgjithshëm të Shërbimeve Mbështetëse, drejtorin/përfaqësuesin e zyrës sektorit të shërbimeve mbështetëse, eprorin direkt për pozicionin e vendit të shpallur të lirë dhe dy personalitete të fushës, ekonomike, me profil finance, dhe juridike.
Komiteti harton një listë me tre kandidatët me rezultatet më të larta, duke u bazuar kryesisht në rezultatet e testimeve, por edhe në kualifikimet, përvojën profesionale dhe botimet shkencore.
Rezultatet e testimit dhe pikët maksimale janë, përkatësisht, 70 pikë në rezultatin e testimit, 10 pikë për përvojën në punë të kandidatit, 8 pikë për kualifikimet, 8 pikë për botimet shkencore dhe 4 pikë për aftësi të personale, të veçanta.
c) Vlerësimi nga komiteti të 3 kandidatëve me pikët më të larta. Rezultati shpallet në një vend të dukshëm. Drejtori i Përgjithshëm i Tatimeve zgjedh njërin nga tre kandidatët e përzgjedhur nga komiteti.
Drejtoria/sektori apo zyra e personelit, brenda 4 ditëve, boton rezultatin e konkurrimit në dy gazetat kombëtare, me qarkullim më të madh.
7. Ngritja në kategori
Ngritja në kategori përbën kalimin nga një