V E N D I M PËR MBYLLJEN E AKADEMISË SË POLICISË “ARBEN ZYLYFTARI” DHE RIORGANIZIMIN E ARSIMIMIT POLICOR SI PJESË PËRBËRËSE E DREJTORISË SË PËRGJITHSHME TË POLICISË SË SHTETIT

V E N D I M 

PËR 

MBYLLJEN E AKADEMISË SË POLICISË “ARBEN ZYLYFTARI” DHE RIORGANIZIMIN E ARSIMIMIT POLICOR SI PJESË PËRBËRËSE E DREJTORISË SË PËRGJITHSHME TË POLICISË SË SHTETIT

Në mbështetje të nenit 100 të Kushtetutës, të nenit 41, të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, dhe të ligjit nr.9749, datë 4.6.2007, “Për Policinë e Shtetit”, me propozimin e ministrit të Brendshëm, Këshilli i Ministrave

V E N D O S I :

1.             Mbylljen e Akademisë së Policisë “Arben Zylyftari”, si institucion i arsimit të lartë, për shkollimin e punonjësve të Policisë së Shtetit, dhe riorganizimin e arsimit policor si pjesë përbërëse e Drejtorisë së Përgjithshme të Policisë së Shtetit.

 2.             Arsimimi policor të riorganizohet nga Drejtoria e Përgjithshme e Policisë së Shtetit, në përputhje me ligjin nr.9749, datë 4.6.2007, “Për Policinë e Shtetit”.

3.             Vendimi nr.281, datë 2.6.2000, i Këshillit të Ministrave, “Për organizimin dhe funksionimin e Akademisë së Policisë”, i ndryshuar, shfuqizohet.

4.             Ngarkohet ministri i Brendshëm për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA