V E N D I M PËR NJË SHTESË FONDI NË BUXHETIN E VITIT 2009, MIRATUAR PËR MINISTRINË E BRENDSHME, PËR MODERNIZIMIN E SHËRBIMIT TË GJENDJES CIVILE
V E N D I M
PËR
NJË SHTESË FONDI NË BUXHETIN E VITIT 2009, MIRATUAR PËR MINISTRINË E BRENDSHME, PËR MODERNIZIMIN E SHËRBIMIT TË GJENDJES CIVILE
Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, dhe të nenit 12, të ligjit nr.10025, datë 27.11.2008, “Për buxhetin e vitit 2009”, me propozimin e ministrit të Brendshëm, Këshilli i Ministrave
V E N D O S I :
1. Ministrisë së Brendshme në buxhetin e miratuar për vitin 2009, programi “Shërbimi i Gjendjes Civile”, t’i shtohet fondi 60 000 000 (gjashtëdhjetë milionë) lekë, për mbulimin e shpenzimeve të projektit për modernizimin e Shërbimit të Gjendjes Civile.
2. Ky fond të përballohet nga fondi rezervë i buxhetit të vitit 2009.
3. Ngarkohen ministri i Financave dhe ministri i Brendshëm për zbatimin e këtij vendimi.
Ky vendim hyn në fuqi menjëherë.
K R Y E M I N I S T R I
SALI BERISHA
28/05/2009