VENDIM PER NJË SHTESË NË VENDIMIN NR.475, DATË 13.7.2007, TË KËSHILLIT TË MINISTRAVE, “PËR MIRATIMIN E STRUKTURËS DHE TË NIVELEVE TË PAGAVE TË NËPUNËSVE CIVILË, ZËVENDËSMINISTRIT DHE NËPUNËSVE TË KABINETEVE, NË KRYEMINISTRI, APARATET E MINISTRIVE TË

V E N D I M

PËR

NJË SHTESË NË VENDIMIN NR.475, DATË 13.7.2007, TË KËSHILLIT TË MINISTRAVE, “PËR MIRATIMIN E STRUKTURËS DHE TË NIVELEVE TË PAGAVE TË NËPUNËSVE CIVILË, ZËVENDËSMINISTRIT DHE NËPUNËSVE TË KABINETEVE, NË KRYEMINISTRI, APARATET E MINISTRIVE TË LINJËS, ADMINISTRATËS SË PRESIDENTIT, KUVENDIT  DHE KOMISIONIT QENDROR TË ZGJEDHJEVE”,

TË NDRYSHUAR

Në mbështetje të nenit 100 të Kushtetutës,  të nenit 18, të ligjit nr.8549,    datë 11.11.1999, “Statusi i nëpunësit civil”, të nenit 5/1, të ligjit nr.8487,  datë 13.5.1999, “Për kompetencat për caktimin e pagave të punës”, të ndryshuar, dhe të ligjit nr.9836, datë 26.11.2007, “Për buxhetin e shtetit, të vitit 2008”, të ndryshuar, me propozimin e ministrit të Brendshëm dhe të ministrit të Financave, Këshilli i Ministrave

V E N D O S I:

1.             Në lidhjen  nr.3, që përmendet në pikën 8, të vendimit nr.475, datë 13.7.2007, të Këshillit të Ministrave, të ndryshuar, në nëndarjen Kryeministria të shtohet emërtesa, si më poshtë vijon:

“Drejtor i njësisë së koordinimit të ndihmës së huaj                 II-a.”.

2.   Efektet financiare, që rrjedhin nga zbatimi i këtij vendimi, të përballohen nga buxheti i vitin 2008, i miratuar për Kryeministrinë.

Ky vendim hyn në fuqi pas botimit në "Fletoren zyrtare" dhe i shtrin efektet financiare nga data 28.7.2008.

K R Y E M I N I S T R I

SALI BERISHA