VIDEO/ Përfshihet nga flakët një apartament në Tiranë

Një apartament është përfshirë nga flakët. Ngjarja ka ndodhur te “Komuna e Parisit” në Tiranë. Dyshohet se ka shpërthyer një bombol gazi.

Në njoftim zyrtar policia sqaron se zjarri ka rënë rreth orës 14:50, në një banesë në katin e 6-të, të një pallati.

Si pasojë ka vetëm dëme materiale, nuk ka persona të lënduar.

Shërbimet zjarrfikëse kanë ndërhyrë për të bërë të mundur shuarjen e zjarrit. Ndërkohë grupi hetimor punon për përcaktimin e shkakut.

/abcnews.al/