Valencia do të analizojë ofertat për Mata

Valencia është e gatshme të shesë Juan Mata tek ndonjë nga klubet e interesuara angleze.

Mata aktualisht është në Kampionatin Evropian U21 në Danimarkë me ekipin U21 të Spanjës, dhe ka joshur vëmendjen e klubeve angleze si Chelsea, Manchester City dhe Liverpool.

Valencia tani është duke menduar të diskutojë shitjen e lojtarit me të tre klubet e Premier Ligës, pasi tashmë ka arritur marrëveshje me mesfushorin e Getafe, Dani Parejo, i cili arrin si zëvendësim i drejtpërdrejtë për 23-vjeçarin.

Mata është mik i mirë me yllin e Cityt, David Silva, edhe pse është po ashtu i afërt edhe me sulmuesin e Chelseat, Fernando Torres.