Vazhdojnë operacionet ushtarake në Sri Lanka

Sri Lanka - Forcat ushtarake në Sri Lanka vazhdojnë operacionet tokësore drejt zonës së kontrolluar nga guerilët e Tamilit. Hapësira e përleshjeve midis ushtrisë dhe guerilëve në këtë vend ishullor, është zgjeruar në një sipërfaqe prej 175 km katrorë.

Ushtria e Sri Lankës vazhdon operacionin me 50.000 ushtarë. Ajo ka deklaruar se është duke dhënë goditjen e fundit dhe në luftime janë vrarë 17 guerilë. Bëhet e ditur se numri i guerilëve të Tamilit ka rënë në 2.000 vetë.