Veliaj komandon Alban Dokushin si Sekretar i Përgjithshëm i Bashkisë Tiranës

Kryebashkiaku i Tiranës, Erion Veliaj, ka komanduar Alban Dokushin në detyrën e Sekretarit të Përgjithshëm të Bashkisë së Tiranës.

Vendimi për emërimin e Dokushit vjen në një moment ndryshimesh në drejtimin administrativ të Bashkisë së Tiranës, pas revokimit të kompetencave të deleguara që Veliaj i kishte dhënë Anuela Ristanit për drejtimin e përkohshëm të Bashkisë.

Pas shkarkimit të Ristanit, ka dhënë dorëheqjen edhe Sekretari i Përgjithshëm i Bashkisë së Tiranës, Eldi Hoxha. Në këto kushte, Alban Dokushi rikthehet në detyrë dhe komandohet në postin e Sekretarit të Përgjithshëm të Bashkisë së Tiranës, pas vendimit të Gjykatës Administrative për rikthimin e tij në detyrë.

/rtsh.al/