Videoja Meta-Prifti, në seancën e sotme diskutohen provat shkresore

Seanca e sotme gjyqësore ndaj ish-kryeministrit Ilir Meta do të përqendrohet në diskutimin e provave shkresore. Përfundimi i kësaj faze në Gjykatën e Lartë i hap rrugë dhënies së pretencës nga organi i akuzës.

Javën e kaluar u mbyll marrja në pyetje e dëshmitarëve për video-përgjimin Meta-Prifti.

Prokuroria ka kërkuar të administrojë provat mbi të cilat kreu i LSI-së akuzohet për korrupsion aktiv.

Organi i akuzës kërkoi administrimin e laptopit, usb-së dhe orës video- regjistruese. Avokatët e Metës e kundërshtuan një kërkesë të tillë, ndërsa Gjykata pritet të shprehet në seancën e sotme mbi këtë kërkesë.