Vlora çel sezonin veror, koncerte dhe aktivitete të shumta shënuan nisjen zyrtare

Vlora ka çelur zyrtarisht sezonin turistik veror me një koncert festiv madhështor të organizuar në zonën e “Plazhit të Ri”, përgjatë Lungomares.

Eventi mblodhi qindra qytetarë vlonjatë, por edhe pushues vendas e të huaj, të cilët ndoqën nga afër atmosferën festive të mbrëmjes.

Në skenë performuan emra të njohur të muzikës shqiptare të cilët sollën performanca energjike dhe krijuan një atmosferë elektrizuese për publikun.

“Val On” u quajt programi i organizuar nga Bashkia Vlorë në kuadër të çeljes zyrtare të sezonit veror që synon të thyejë pritshmëritë për numrin e turistëve që do të vizitojnë qytetin bregdetar.

/rtsh.al/