Vlorë- Policia prangos një 30-vjeçar, plagosi me mjete prerëse një shtetas pas një konflikti të çastit

Policia e Vlorës bëri të ditur se ka arrestuar një 30-vjeçar të premten, pasi ka plagosur me thikë një 35-vjeçar pas një konflikti të çastit.

Ngjarja ndodhi rreth orës 17:00, në fshatin Sherishtë, Vlorë, ku dyshohet se pas një konflikti të çastit, për motive të dobëta, në vendin e quajtur “Landfilli”, shtetasi A. B., ka plagosur me mjet prerës (thikë), shtetasin E. A.

“Plagosi me mjet prerës (thikë), një 35-vjeçar, si rezultat i reagimit në kohë të shërbimeve të Policisë Rrugore dhe atyre të Forcës së Posaçme “Shqiponja”, identifikohet, kapet dhe shoqërohet, 30-vjeçari. Rreth orës 17:00, në fshatin Sherishtë, Vlorë, dyshohet se pas një konflikti të çastit, për motive të dobëta, në vendin e quajtur “Landfilli”, shtetasi A. B., 30 vjeç, ka plagosur me mjet prerës (thikë), shtetasin E. A., 35 vjeç.”, thuhet në njoftimin e policisë.

Pas marrjes së njoftimit, shërbimet e Policisë Rrugore dhe ato të Forcës së Posaçme “Shqiponja”, të DVP Vlorë, kanë shkuar menjëherë në vendngjarje ku si rezultat i veprimeve të shpejta kanë bërë të mundur identifikimin dhe kapjen e autorit të dyshuar, shtetasit A. B., dhe shoqërimin e tij, në Komisariatin e Vlorës, për veprime të mëtejshme procedurale.

“Shtetasi i dëmtuar E. A. ndodhet në spitalin e Vlorës, në kujdesin e mjekëve. Vijon puna për dokumentimin e rrethanave të kësaj ngjarjeje. Materialet procedurale do t’i kalojnë Prokurorisë, për veprime të mëtejshme.”, njofton policia. 

/rtsh.al/