Vlorë, zjarr në fushën e mbetjeve/ Digjen gomat e makinave, ndotje e madhe në zonë

Një zjarr i madh ra në orët e para të mëngjesit të kësaj të marte në afërsi të fushës së mbetjeve në Vlorë.

Flakët përfshinë disa goma automjetesh që ishin hedhur pranë hidrovorit. Si pasojë e gjithë zona u përfshi nga tymi i zi dhe era e rëndë.

Drejt vendngjarjes shkuan menjëherë forcat zjarrfikëse. Por pavarësisht ndërhyrjes vënia nën kontroll e flakëve ishte e vështirë. Zjarrvënia dyshohet të ketë qenë e qëllimshme, ndërsa u shoqëruan nga policia 4 persona të cilët u morën në pyetje .

SIMO RIBAJ

AMBIENTALIST

Ky material që po dgjet, gomat nuk kanë vetëm karbon por dhe mbetje të tjera shumë po shumë të rrezikshme ëpr shëndetin e qytetarëve. Kjo lloj mbetje është shumë e lehtë për t’u ricikluar. Por pse nuk riciklohen? Ose pse nuk eksportohen për t’u ricikluar.

Edhe më herët në këtë zonë mbeturinave u është vendosur zjarri nga persona që mbledhin kryesisht mbetje plastike.